Хавар өмсөх 6 “COOL” хувцас

Хөл хорио тавигдаж оройн зоог, үдшийн болзоо, охидуудын орой, “Cool” инстаграм пост хийх боломжтой боллоо. Ингээд танд энэ удаагийн нийтлэлээрээ загварлаг алдартнууд болон гудамжны стилийн оддын урам зориг өгсөн шинэлэг санаануудыг санал болгоё. Мэдээж  Ame concept store –ийн мэргэжлийн стилистийн бэлтгэсэн санааг ч давхар хавсаргалаа.

Шинэ жил болоогүй ч та магадгүй өмсөнө гэж бодсон, хадгалсан торон топ-оо одоо ашиглаж болох юм. Гэхдээ цоо шинэ мэдрэмжтэйгээр. Өндөр суудалтай өмд таныг урт хөлтэй харагдуулахаас гадна нэвт харагдах торон дээгүүр хувцасны хэт тачаангуй өнгө аясыг тэнцвэржүүлж, цэгцтэй өнгө төрхийг гаргаж байна.

Хамгийн хялбар аргаар анхаарал татах арга бол мэдээж хэвлэмэл, хатгамал хээтэй даашинз. Гэхдээ гоёл чимэглэлийг хослуулахдаа болгоомжтой хандах хэрэгтэй. Бараг шаардлагагүй ч байж мэднэ.

Ийм төрлийн хүрэм бараг хүн бүрийн шүүгээнд байдаг. Эгэл даруу энэ хүрмийг мөнгөлөг саатай эсвэл металл мөнгөлөг гээд ямар нэг нүд гялбам өнгийн даашинзтай хослуулах нь үнэхээр сайхан санаа байгаа биз.

Урт богино түрийтэй өсгийтэй гуталтайгаа хилэн даашинзыг (эсвэл хилэн оруулга, хилэн хувцасаа) хослуулах улирал яг одоо биш гэж үү. Хилэн материал чамин тансаг харагддаг ч зуны халуун бидэнд тэр бүр түүгээр гангарах боломжийг өгдөггүй. 

Одоо л өнгөлөг, цэцгэн хээтэй даашинз өмсч эхлэн сэтгэл санаагаа өөдрөг болгох цаг үе биш гэж үү? Доорх загварууд манай AME CONCEPT STORE -т бэлэн байгааг дуулгахад таатай байна.

Цагаан сарын дараа хаврын урь орж, цаг агаар дулаахан сайхан болжээ. Одоо танд шоппинг хийх хүсэл төрөхгүй байна гэж үү? Шинэ тренч цуваар яагаад шүүгээгээ дүүргэж болохгүй гэж?